Sabalenka chak nuamsa

Australian Open hmeichhe champion lai Aryna Sabalenka chuan a nomawi humhim turin kawng dik a zawh, nimin tlai khan Paula Badosa chu 6-4, 6-2 a hnehin final a lut.

Australia rama tennis khelhna hmingthang Rod Laver Arena-ah Sabalenka hian harsatna lian tham a tawk lo, darkar khat leh minute 26 chhung lekin hnehna a chang a, semifinal lehlama Iga Swiatek leh Madison Keys inkhela chak zawk nen an inhmachhawn leh ang.

Belarus nula Sabalenka hian set khatna game nganaah a khingpui service a chhuhsak - amah service vawi khat hloh ve mah se, ṭum khat dang chhuksak let ve lehin minute 53 chhungin set a la.

Set hnihna pawh Sabalenka bawk a chungnung, game thumnaah service a chhuhsak lehin 2-1 a hma a hrua a, a ama service a hum avangin a kang sang leh sawt; a tawp thlengin a chungnung tlang.