Bayern Munich an chak lo

Champions League playoff khelh ngai loa last 16 luh theih nghal duh mah se Bayern Munich chuan an thei rih lo - Nilaini zan inkhelah Bavarians hian Feyenoord chu 3-0 in an ngam lo. Mahse maw! Bayern hian 80% ball possession an nei a, goal shot vawi 30 zet an nei bawk.

Stadion Feijenoord-a inkhelah Dutch team tan Santiago Gimenez chuan chawlhlawk hmain goal hnih a khung a, hun tawp dawnah Ayase Ueda chuan an goal thumna leh chak nemnghehna ni bawk chu a khung ve thung.

German club lian hian goal khat chauh an la chhuah laiin Harry Kane hmangin siphurh an sut theih hle, mahse Feyenoord keeper Justin Bijlow a paltlang thei lo, a hnuah Jamal Musiala pawhin remchang hmu mah se a ti hlawhtling thei ta bik lo a ni.

Bayern Munich hian UCL match sarih an khelh tawh aṭangin point 12 hmuin 15-na an ni mek, playoff khelh ngai loa last 16 lut phak china awm Bayern Leverkusen an phak lohna chu point khat a ni mek.

Bavarians manager Vincent Kompany chuan, "Goal khung theihna remchang kan insiam hnem em em a, a bik takin hun tawp dawn hnai minute 10 chhung khan hun ṭha kan hmu hnem zual, a pumpui thlir erawh chuan Feyenoord khan chak an phu," a ti.

Bundesliga hmahruaitu an ni mek a, tun kar tawpah SC Freiburg nen an inkhel dawn a, kar leh lamah UCL league round hnuhnung ber atan Slovan Bratislava an mikhual zui leh nghal bawk ang.