Walker-in AC Milan pan dawn

AC Milan chuan loan hmangin Kyle Walker an lalut dawn a, Manchester City nen tun season tawp thleng atan inremna an nei tawh. Italian club hian season tawpa a ngheta lak theihna dan an nei bawk.

Walker hian City tan match 316 a khel tawh a, club tana inlan hnuhnun ber chu January 4-a West Ham United an hmachhawn ṭum kha a ni. He inkhel zawh hian English defender hian Pep Guardiola hmuin chona thar hmachhawn a duh thu a hrilh.

Kum 34 mi Walker hian sum tamna Saudi Pro League aiin Italy-a kal a thlang. English defender hian kum 2017 khan pound maktaduai 50-in Tottenham aṭangin City hi a zawm a, Pep Guardiola hnuaia Premier League nomawi vawi ruk an chawi ṭumah a tel bawk.

AC Milan hi Marcus Rashford nen pawh sawizawm a ni a, mahse Italy danah tun thlasik bazarah UK aṭanga player pakhat chauh an lak theih avangin Manchester United forward erawh an la thei dawn lo.