Inelna hmachhawn turin ka inpeih - Norris

Formual 1 driver Lando Norris chuan nikum lamah tawnhriat ṭha tak a nei tih a sawi a, kumina inelna hmachhawn turin a inpeih tih a sawi chhuak - champion tum ngamin a inlan dawn tihna a ni.

Season hmasa khan Max Verstappen a champion - Red Bull driver hi a tlan ṭha a, a bik takin season tir lamah a chet ṭhat em avangin midang tan um a harsa, season chawhnu lamah erawh Norris hian a chaih buai phak.

McLaren driver Norris chuan, "Ka naupan lai aṭangin Formula 1 driver nih kha ka chak ṭhin a, a chungnung ber nih phei chu ka duhthusam a ni ṭhin, chumi ti hlawhtling tur chuan ka rilru leh taksa pawh a inpeih.

"Thil tam tak ka zir chhuak tawh, a bik takin season hmasa khan tawnhriat ka ngah phah hle - midang ngaihchan ngai loa fal taka kal theih a ṭha tih pawh ka hrechiang, chuvangin a bul ṭan fuh ka tum ang," a ti.

F1 team hrang hrang ten inbuatsaihna an nei chho mek - February thla hian tlan chhinna hun an hmang dawn a, inelna tak chu March 14-16 chhung hian Australia ramah an nei ang.