India-in England an hneh

India leh England T20 series match nga an khelh tura a hmasa berah mualneitu Men in Blue-in hnehna an chang. Eden Gardens-a inkhelah England-in 132 runs chauh an siam a, over 12.5 lekah India-in 133/3 runs siamin wicket rukin hnehna an chang.

January 22, Nilaini zan inkhelah England tan Jos Buttler-a'n 68 runs siam mah se thlawptu a nei ṭha lo. India bat hun a thleng a, Abhishek Sharma (79), Sanju Samson (26) leh Tilak Varma (19*) te an rawn che ṭha a, ball 43 an dah bang.

India leh England te hian January 25, Inrinni hian MA Chidambaram Stadium, Chennai-ah match hnihna an khel leh ang.