Team tana ṭha tur kan ngaihtuah - Arteta

Arsenal manager Mikel Arteta chuan striker lakluh an mamawh tia media ho sawi a chhang a, mamawh tih avanga a remchang apiang lak ngawt an tum loh thu a sawi.

Spanish coach chuan, "Ka ngaihdan chu a chiang em em. Tlarhmaah hliam vangin Bukayo Saka leh Gabriel Jesus an chawl mek a, chuvang chuan goal kan khung tlem a, squad a chhah loh phah a, tlarhmaah duhthlan tur kan neih tlem phah - a chiang reng.

"Kan team tana ṭha tur player an awm chuan kan la lut ang, chutiang mi chu kan zawng reng. A remchang apiang lakluh ngawt kan tum lo a, kan team-in kan ṭhatpui tur kan zawn a ngai a ni," a ti a, phili taka player lakluh tur dap an tum loh thu a sawi.

Arteta hian hliamn vanga chawl mek Myles Lewis-Skelly leh William Saliba te hliam a serious loh thu sawiin, zaninah erawh an inlan hman a beiseiawm lo - Ben White a la chawl mek bawk.

Gunners hi zanin dar 8:30-ah league match khel turin Wolver-hampton Wanderers khelmualah an leng dawn a, EPL nomawi chawi an tum a nih chuan London club tan chetsual a hun tawh lo.