Barca-ah Araujo a cham dawn

Juventus nen rei tak sawi zawm an nih hnuah Ronald Araujo chuan Nou Camp-ah kum ruk dang cham chhunzawm turin contract thar a ziak a, Uruguayan defender hi June 2031 thleng Barca-ah hian a cham ang.

Kum 25 mi defender hian hliam vangin tun season-ah match a khel tam tawk lo a, inelna hrang hrangah match nga chiah a la khel. Mahse, Catalan club hian an centre back hi chelh dan an ngaihtuah a, tunah chuan contract thar a ziak ta.

Araujo chuan, "Rei tak ka inhliam hnuah ka beisei angin khelhna hmun ka chang lo a, hei vang hian thlasik transfer-ah chhuah ka tum hman. Mahse, club leh fan te min thlawpna ka hmuhin ka rilru ka thlak leh ta a ni," a ti.

Barcelona hian Pathianni zan dar 1:30-ah league match an khel dawn a, tlak hlau Valencia an mikhual ang. Zanin dar 8:45-ah Barca elpui Atletico Madrid chuan Villarreal an mikhual ang a, hmahruaitu Real Madrid chuan zanin dar 1:30-ah Real Valladolid an lenchilh bawk ang.