Forest leh Wood an inzawm nghet

Nottingham Forest chuan striker Chris Wood an chelh a, kum 2027 thleng daih City Ground a cham turin contract an ziahpui.

Tun season-a Forest chet ṭhatna kawngah Wood hi a pawimawh a, Premier League match 22 aṭangin goal 14 a khung. Nuno Espírito Santo hote hi Premier League-ah pathumnaah an awm mek.

Kum 33 mi Wood hian January 2023 khan Newcastle United aṭangin Forest hi a zawm a, kum hnih lek a la awm nachungin Premier League-a Forest tana goal khung tam ber a ni der tawh. Wood hian nikum December thla khan Bryan Roy a record goal 24 chu a khum a, Premier League-ah Forest tan goal 29 a khung tawh.

Foret hian zanin dar 8:30 hian anmahni ang bawka Premier League-a beisei phak baka che ṭha Bournemouth an hmachhawn dawn. Nuno Espírito Santo hote tan nomawi beiseina chhi nung turin chak ngei a ṭul ang.