66ft aṭanga basket neitu Jokic

Nimin zing NBA inkhelah Nikola Jokic chuan 66ft zeta hla aṭangin 3-points a vawm lut a, a team Denver Nuggets chu Sacramento Kings lakah 132-123 in hnehna a chanpui.

Kum 25 mi Jokic hian Nuggets tan hian point 35 a neih bakah rebound vawi 22 lain a ṭhiante basket neih tur vawi 17 a siamsak bawk a, tun hnaiah a zawnin vawi nga ngawt mai triple-double a nei ta chiah bawk.

Most Valuable Player (MVP) atana vawi li thlan tawh Jokic chuan, "Basketball khel tura court chhungah ka luh tawh hi chuan point neih tuma shot hi ka thil chak leh nuam tih a ni a, tun hma aṭangin hei hi chu a danglam thei lo.

"Beiseina nen ṭha taka match khelh theih hi chu a nuam, mimal thil tih ṭhat vang erawh a ni lo. Kan zavaia thawhrim rah chu a tawpah kan chhawr a, team tan chanchin ṭha a ni," tiin a sawi.

Inkhel dangah Los Angeles Lakers chuan NBA champion lai Boston Celtics chu 117-96 in an hneh - Lakers chak theih nan hian Anthony Davis chuan point 24 a nei a, ani bakah hian an thiampuipa LeBron James chuan point 20 a neih bakah rebound vawi 14 a la bawk.