Nagelsmann-a'n contract pawtsei

Julian Nagelsmann chuan Germany head coach ni zel turin contract a ziak thar a, an ram team hi kum 2028 European Championship thleng a enkawl chhunzawm ang.

Nimin tlai khan German Football Association (DFB) chuan inremna an neih thu hi an puang. Kum 37 mi Nagelsmann chuan, "Tunah hian kawng dik kan zawh a, kan tum ram kan la thleng lo deuh, kan duh ber chu nomawi chawi a ni," tiin a sawi.

Bayern Munich coach hlui hian kum 2023 September thla aṭang khan an ram team enkawl hna hi a thawk ṭan a, a tirah chuan hun rei lote chhung atan tih a ni. Germany team hi match 19 a kaihruai tawh a, heng zinga 11-ah te a chakpui.