Evra-a'n a club hlui a sawisel

Patrice Evra chuan transfer-a a club hlui Manchester United chet dan chu a fuh tawk loah a ngai a, an player dawr dan a dik lo tiin a sawisel.

Ole Gunnar Sols-ksjkaer-a hote hian league match hmasa berah Crystal Palace 3-1 in an hneh lo a, nipui transfer ṭantirh aṭangin Borussia Dortmund winger Jadon Sancho nen sawi zawm ni mah se an la thei lo.

Kum 39 mi Evra chuan, "Manchester United-in player an mamawh chuan hmai chhanah an be ṭhin kha a nia. Ferguson leh David Gill khan Monaco-ah min rawn hmu a, CIA emaw FBI emaw hmachhawn aiin a hrehawm zawk hial ang," tiin tun hmaa thil thlen dan a sawi a, manager hlui Alex Ferguson leh CEO hlui David Gill te sawmna hnar a har thu a sawi.

Tuna United chief executive hi Ed Wood-ward a ni a, contract negotiator atan  Matthew Judge an hmang. Man-chester United khelmual chhunga result an neih ṭhat loh bakah player lak kawngah pawh tun hma an pha ta lo hle.

Evra chuan sawi chhunzawmin, "Tunah chuan phone a rawn ri a, club lian sporting director ten min rawn bia. Patrice, khawngaihin Matthew Judge kha kan phone la hram turin min lo hrilh sak, te an rawn ti. United-in player la tur hian dan hre mi (lawyer) an tir ṭhin a, football mi an nih loh avangin pawisa chungchang an sawi ṭhin tih hi mipui pawhin an hriat ve a ngai. 

"Player kan lak loh chhan chu kan mi tirhte an dik loh vang a ni. Club dang chuan club hrechiang an tir a, club an hmangaih a, sum chungchang ringawt an sawi lo," tiin transfer-a a club hlui chet chhiat chhan a sawi.