Darren Bent-a'n ngaihdam a dil

Tottenham striker hlui Darren Bent chuan Everton player thar James Rodriguez chu Premier League-ah a a talbuai a rin thu a sawi a, Real Madrid midfielder hlui hi match hnih khelhah a chet ṭhat leh tak si avangin Bent hian ngaihdam a dil.

Everton hian Premier League-ah Tottenham 1-0 a an hneh bakah West Brom 5-2 in an sawp a, Toffees tan James Rodriguez hi a pawimawh nghal hle. Bayern Munich midfielder hlui hian goal leh assist vawi khat ve ve a nei a, khelmual chhungah player hmuhnawm ber zinga mi a ni bawk.

Darren Bent chuan, "Premier League khelh a harsat ka rin thu ka sawi a; Rodriguez leh Everton ṭantute chungah ngaihdam ka dil," tiin a sawi a, match hnih khelh tawhah kum  29 mi James Rodriguez hi a khelh ṭhat em avangin Bent hian a ngaihdan tlak nghal.

Everton hian zanin dar 12:15-ah League One club Fleetwood Town FC an hmachhawn dawn. An inkhelhna tur hi League Cup a nih miau avangin Carlo Ancelotti-a'n James Rodriguez leh player ṭha dang a awltir a rinawm hle.