Infiammi pahnih boral

Inrinni khan France rama Chartres sakawr intlansiak tlankawngah Christelle Zimmer chu chesualin a thi.

Kum 25-a upa Zim­mer hi a sakawr chuanna tawlailir aṭangin tlasaul palhin a nghawng leh a tukkhum a sawh a ni. A hmunah hian first aid pek nghal a ni a, hemi hnu hian helicopter hmangin Rouen hospital-ah hruai nghal ni mah se a nunna an chhan thei ta lo a ni. An intlansiak lai hian Zimmer hian 'heart attack' a nei nia rin a ni.

Kum 2001 khan Cabourg hmunah sakawr intlansiak naah tho kum 16 chauha upa Yvonnick Brodin chu chesualin a lo thi tawh bawk.

Pathianni khan Sun­shine Coast Falcons rugby player James Ackerman chu Australia a Queensland Cup an khelh ṭumin a luah hliam na tak a tawh avangin a thi bawk.

Norths Devils nen an inkhelh ṭumin Ackerman hian inkhel ṭan aṭanga minute ngana lekah ball an inchuhnaah a luah hliam tuarin Brisbane hospital-ah hruai nghal ni mah se nimin khan a thi.

Sunshine Coast Falcons chief executive officer Chris Flannery chuan, "Kan player ṭha leh kan hotu ni bawk kan chan a ni. Kan tan chuan a pawi takzet," tiin an player duhlai thih thu a sawi.