Bowles dinhmun a ṭha lo

England leh Queen Park Rangers forward ṭhin Stan Bowles chu Alzheimer natna avangin a dinhmun a ngaih­tuahawm hle.

Kum 66-a upa Bowles hian a vanglaiin professional game vawi 560 lai a khel hman a, England tan erawh vawi nga chiah a inlan thung.

QPR tan match 300 inlanin club player awm tawh zawng zawnga ropui berah thlan a ni.

Bowles-a facebook page lamah chuan "Kan pa damlohna ngaihven leh ngaihtuah tak chunga min rawn betu te zawng zawng chungah lawmthu kan sawi a ni," tiin a fate'n a pa ngaihtuah tu te chunga an lawmthu an tarlang.