Inter-ah Kondogbia a lut

French midfielder Geoffrey Kondogbia chuan AS Monaco chhuah­sanin Italian club Inter Milan a zawm dawn ta. Inter chuan Kondogbia an lakluh thu hi Pathianni khan twitter kaltlangin an puangchhuak a ni.

AC Milan-in euro maktaduai 40-a an rim anga an sawi Kondogbia hian euro maktaduai 35-in Inter Milan hi a zawm dawn a, kum nga chhung Inter-ah hian a cham ang.

Kum 22-a upa France international Kondogbia hian nimin khan medical nei turin Milan khawpui a thleng a, Liverpool rim lai Inter midfielder Mateo Kovacic thlaktu tur anga sawi a ni.

Kondogbia hian Sevilla aṭangin kum 2013 khan AS Monaco hi a pan a, season hnih a cham chhungin Ligue 1-ah vawi 48 a inlan hman a ni.