Inter Milan-ah Vidal a lut

Barcelona midfielder Arturo Vidal chuan nimin khan Italian club Inter Milan a zawm fel. Chile international hian Juventus tana a khelh laia amah enkawl tawhtu Antonio Conte kaihhruaina hnuaiah a khel leh dawn tihna a ni.

Kum 33 mi Vidal hian Bayern Munich aṭanga Barca a zawm hnuah La Liga club tan match 96 aṭangin goal 11 a khung a, a ṭhiante khung tur vawi 11 a siamsak bawk, player pawimawh zingah a tel phak.

Mahse, coach thar Ronald Koeman-a'n danglamna thlen a tum a, player ṭhenkhat a duh loh zingah Vidal hi a tel. Club lian ṭhenkhatin an hnena khel turin an la duh reng, chung zingah chuan Inter hi a thlang.

Serie A-ah chuan Vidal hi a mikhual dawn lo, 2011-15 chuung khan Juventus tan match 124 a lo khel tawh a, tuna a coach hrawn tur Conte nen hian league nomawi pathum ngawt an lo chawi tawh. Tunah chuan Inter tan an thawk dun dawn a, an club hlui Juve an el dawn.