New York City pan tur Pirlo?

Juventus playmaker Andrea Pirlo-a'n England international hlui Frank Lampard leh Spain tana goal khung tam ber David Villa te hnung zuiin New York City FC a zawm dawn niin a lang.

Football website lar tak Goal.com chuan kum 36-a upa midfielder hian Zirtawpni hian Major League Soccer-a khel turin engkim a tihchian tur thu an ziak.

Italy international midfielder hian Bian­coneri-a (Juventus koh duatna) a contract a hmang zo a, tun thla tir khan Champions League-a an champion chuan Turin a chhuahsan tur thu a sawi tawh. Amaherawhchu Juventus-in Berlin-ah Barcelona 1-2 in hneh lo mah se ball pet thiam hmingthang Pirlo hian New York City hi a zawm dawn tho niin an sawi.

Inrinni khan Pirlo hian a fate chu Yankee Stadium-ah New York Yankees baseball match a en pui a, he stadium hi New York City FC home atan an hmang ve bawk. NYCFC hi Yankees leh Premier League club Man­chester City te ta a ni.

Pirlo hian Italy tan match 115 zet a khel a, 2006 FIFA World Cup-a Italy champion ṭumin player pawimawh a ni.