Mandzukic-a'n Turin a thleng

Serie A champion Juventus chuan Croatia striker Mario Mandzukic-a'n Turin khawpui a thleng lai thlalak Twitter lamah an pho chhuak a, Atletico Madrid striker hi an la lut ngei dawn niin a lang ta.

Kum li chhung a zawna a vawi thum nana Champions League final-a chak lo team zawm tur Mandzukic chuan, "Juventus club leh a innghahna khawpui hi ka ngaina a, he hmunah hian ka hlim ka inbeisei a ni. Ka team thar tan theihtawp ka chhuah ang," a ti.

Kum 29-a upa Bayern Munich striker hlui hian nikum nipui lai khan a khelh mekna Atletico Madrid hi a pan ve chauh a, match 43 a inlanah goal 20 a khung.

Report ṭhenkhatin an tarlan dan chuan Champions League finalist Juve hian Mand­zukic manah hian pound maktaduai 13 an theh chhuak dawn a ni.

Juventus hian an striker chhuanvawr season hmasa Serie A-a goal 20 khungtu Carlos Tevez chu Boca Juniors lakah an chan ngei dawn niin a lang a, Argentine striker thlak tur hian Mandzukic lam hi an hawi ta a ni.