Real Madrid president seltu Higuain-a pa

Gonzalo Higuain pa Jorge Higuain chuan Real Madrid president Florentino Perez-a'n Argentine player a lawm loh thu a sawi a, a fapain Spanish club a chhuahsan chhanah a ngai.

Kum 27-a upa Higuan hian Bernabeu-ah 2007 leh 2013 inkar khan hun a hmang a, Argentine forward hian euro maktaduai 40-in Napoli a zawm. Higuain chhuah hnu thla 12-ah UEFA Champions League-a Real champion puitu Angel di Maria-a'n Manchester United a zawm ve bawk.

Higuan-a pa chuan Argentine duo-te'n Real an chhuahsan chhan hi president berin Argentine player a ngaihpawimawh loh vang niin a sawi.

River Plate footballer hlui Jorge Higuain chuan, "Argentine lam hi a lawm zawng an ni lo a ni. President vang hian (Fernando) Redondo, (Esteban) Cambiasso, (Santiago) Solari, (Fernando) Gago, Higuain leh Di Maria ten Real Madrid an chhuahsan. Florentino Perez hian langsar takin a sawisel lo, player-te hmuhah a inlan lo," tiin Real president a sawisel.

Jorge-a fapa Higuain hian Napoli tan match 69 khelhah goal 35 a khung. Serie A club-in season thara UEFA Champions League an khelh dawn loh avangin Argentine forward hi chhuak tura sawi a ni a, Premier League club Arsenal nen sawi zawm a ni.