Indian Premier League Bangalore-in Hyderabad an hneh

Indian Premier League-ah Thawhṭanni zan khan Royal Challengers Bangalore-in Sunrisers Hyderabad run 10-in an hneh.

Dubai International Stadium-ah Hyderabad-in vawm hmasak an thlang. Bangalore tan IPL vawi khat khelhna Devdutt Padikkal-a'n run 56 a siam a, AB de Villiers-a'n run 51 siam ve bawkin captain Virat Kohli erawh run 14 siamin a che ṭha lo.

Bangalore hian run 163/5 an siam a, chak lo thei dinhmunah an ding. Hyderabad tan Jonny Bairstow-a'n run 61 a siam a, amaherawh-chu Bangalore bowler Yuzvendra Chahal-a'n a vawm hlum. 

Yuzvendra Chahal hian over li vawmin run 18 chiah a pe a, wicket thum la bawkin Bangalore chak nan a che ṭha hle. Captain Kohli chuan, "Run 170 pawh tling lo venhim a ngai a, hna harsa tak a ni. Kan bowler te an khel ṭha a, an huaisen rah kan seng," tiin a sawi.

Zanin dar 7:30 hian Kolkata Knight Riders leh Mumbai Indians te an inkhel ang.