Spurs lakah Pacers an chak

Nimin zing NBA regular season inkhelah Indiana Pacers chuan an khingpui San Antonio Spurs chu 136-98 in an hneh.

Accor Arena-a inkhelah Pacers tan player pasarih ngawtin point 10 an nei tling thei a, an chak theih chhan chu mimal ni loin player hrang hrang an khelh ṭhat rual vang a ni.

Spurs erawh khel ṭha nei ve nual mah se an chak nan a tawk zo lo a, season kal laia a vawi 23 nan an chak lo - Western table lamah 12-na dinhmun an luah, playoff khel phak chinah an awm rih lo.

Pacers erawh vawi 25 an chak tling ta chiah a, anni hi Eastern Conference table-ah pangana an ni mek thung.