Antony-a'n Real Betis a pan

Manchester United winger Antony chuan Real Betis chu loan hmangin a zawm a, Spanish club nen hian tun season tawp thleng atan an inrem.

Kum 24 mi Antony hian kum 2022 August thla khan Ajax aṭangin Man United hi a zawm, pound maktaduai 81.3 man niin United player zingah chuan an player man tam pahnihna a ni, a tluk loh chu Paul Pogba chauh a ni.

Premier League club tan hian match 96 a khelh aṭangin goal 12 a khung a, league match bikah chuan kum 2023 April thla hnuah goal a la khung leh miah lo.

Real Betis leh Man United inrem dan hi chiang taka tarlan ni lo mah se, khawthlang chanchinbute chian Antony-a hlawh hi United lamin 84% zet chu an la tumsak niin an sawi.

Brazil international Antony hian Old Trafford-ah kum 2027 thleng daih contract a nei mek a, coach Ruben Amorim-a hnuaiah khelhna hmun a chan loh avangin a loan hun zawh hunah club dang a melh zui a nih pawhin a mak lo ang.