Magpies chhanhimtu Isak

Newcastle United chuan Southampton lakah goal chhuah hmasa mah se, Alexander Isak-a'n goal hnih a khung a, Premier League table mawngphah team laka Magpies mualpho tur a chhanhim.

Saints hian minute 10-na lekah Jan Bednarek hmangin goal hmahruai an khung a, mahse, minute 26-naah Isak-a'n penalty hlawh chhuakin goal-ah a chantir a, minute 30-naah a belhchhah bawk.

Second half-ah Sandro Tonali chuan khung ve lehin, 3-1 in Magpies an chak a, table-ah pangana niin, palina Manchester City nen an point hmuh zat a inang.