Clippers lehthalin Nuggets an tlang

Denver Nuggets chuan game thum an hloh hnuah Los Angeles Clippers chu 4-3 a hneh letin Western Conference final an lut. Inrinni zing dar 6:30 hian Los Angeles Lakers nen conference champion zawnna game 1 an khel ang.

Nimin zing khan Western Conference semifinal game 7 khelh niin, rinkai lo zawk Nuggets hian 104-89 in hnehna an chang. Point 40 neitu Jamal Murray Denver Nuggets tana player pawimawh leh ṭangkai ber a ni.

Kumin NBA playoff-ah Nuggets hi an vannei thei hle, an match hmasa zawkah Utah Jazz chu 4-3 in an hneh hram a, semifinal-ah Clippers pawh game 7-ah an hneh hram. Playoff chinah game thum hloh hnua match hnih chak thei hmasa ber an ni hial.

Nimin zing khan Eastern Conference finals game 1 khelh a ni a, Miami Heat chuan Boston Celtics 117-114 a hnehin bul an ṭan fuh viau. Zirtawpni zing dar 4:30-ah game 2 an khel leh ang.