Juventus zawmtu Mandzukic

Italian champion Juventus chuan Spanish club Atletico Madrid aṭangin striker Mario Mandzukic chu Turin lamah an seng lut ta.

Kum 29-a upa striker manah hian Juventus hian pound maktaduai 13.6 an seng a, a chet ṭha dan a zirin a man hi pound maktaduai 15 thlengin a sang chho thei dawn a ni.

Croatia striker hian Pathianni khan Turin khawpui hi a thleng fel der tawh a, medical a neih zawh hnuin kum li chhung Turin khawpuia cham tur hian contract a ziak ta a ni.

An striker chhuan­vawr Carlos Tevez-a'n Boca Juniors lam a pansan tur anga an sawi Juventus hian euro maktaduai 40-in Palermo striker Paulo Dybala chu an lo la lut tawh bawk a ni.