Fulham-in Stekelenburg an la lut

Netherlands kee­per hlui Maarten Steke­len­burg chuan Cham­pionship club Fulham aṭangin Southampton chu season khat chhung atan loan-in a zawm.

Kum 32-a upa keeper hian kum hnih liamta khan Roma aṭangin hetih hunlaia Premier League club Fulham a zawm a, amaherawhchu nikum khan loan-in French club Monaco tan a khel thung.

Southampton first choice keeper Fraser Forster chu nikum March thla khan a khup hliam vangin zai a ni a, hei vang hian Saints hian tawnhriat nei keeper an lakluh a ngaih phah ta a ni.

Saints executive direc­tor of football Les Reed chuan, "Maarten hian inelna sangah tawnhriat ṭhahnem tak a nei a, chu chu kan lak luh chhan a ni. Fraser Forster-a'n hma a sawn chho zel a, Maarten a rawn awm belh bakah Kelvin Davis leh Paulo Gazzaniga te an awm bawk avangin season tluan­in inhliam vanga harsana kan pumpelh thei ang," tiin a sawi.

Reed chuan sawi zuiin, "Maarten hian Ajax tan hlawhtling takin a khel a, 2010 World Cup final-ah a khel bawk a, min hlawhtlin pui ngei kan beisei," a ti.

Dutch keeper hian Ajax tana kum kaw chhung an khelh hnuah kum 2011 khan Roma a zawm a, tun season-a Saints player lak luh pathumna a ni.

Southampton hian kar liamta khan Sporting Lisbon aṭangin Portugal defender Cedric Soares leh Malaga aṭangin Spain forward Juanmi an lak luh thu an puang tawh. Tun season Premier League ṭan hmain Europa League third qualifying round an khel ang.