Norwich City-ah Mulumbu

West Bromwich Albion midfielder hlui Youssouf Mulumbu chuan free transfer-in kum hnih chhung cham turin Norwich City a pan.

Kum 28-a upa DR Congo international hi tun season zawh rual khan Baggies-a a contract neih lai a hmang zo. Mulumbu hi Canaries nen pawh sawi zawm lo ni tawh mah se Premier League-ah a hmel kan hmu chhunzawm dawn ta zawk a ni.

Kum 2009 khan French club lian Paris St-Germain aṭangin Mulumbu hian Albion hi a pan a, kum ruk a chamchih chhungin match 211 a khel hman. Premier League kai thar Norwich hian midfielder Graham Dorrans chu Hawthorns aṭangin an lo la lut tawh bawk.

Canaries boss Alex Neil chuan thuchhuah siamin an club website-ah, "Tunah chuan free transfer-in Mulumbu kan la lut fel ta tih ka puang a, tunah hian Premier League khel tura kan inpuahchahna kawngah player ṭha tak tak kan lakhawm mek a, ani pawh hian inkhelna hmun chan ngei tumin a beih a ṭul ang," a ti.