Aston Villa leh Yacouba Sylla an inṭhen

Aston Villa midfielder Yacouba Sylla chuan kum li chhung cham turin French club Rennes a pan.

Kum 24-a upa midfielder hian Villa Park-ah kum hnih leh a chanve chiah hun a hmang hman a, goal khat mah a khung lo.

Mali international hian Clermont Foot aṭangin kum 2013 January khan pound maktaduai thum in Villa hi a zawm a, a club tan hian Premier League match 12 chiah a khel hman. Season liamta khan Turkish club Kayseri Erciyesspor-ah loan-in a chhuak tawh bawk.

Tim Sherwood-a'n season thar atan a player a siksawi nual dawn niin a lang a, Sylla hma hian Darren Bent, Matthew Lowton leh Andreas Weimann te pawh a lo chhuah tir tawh bawk.