India Sub Junior Football Team-ah Mizo hmeichhe 3

AFC Sub Junior Girls Championship Qualifier-a India aiawh turin All India Football Federation chuan Mizo hmeichhe pathum a thlang.

India team-a koh pathumte hi midfielder Grace H. Lalrampari bakah forward pa-hnih B. Vanlalhriattiri leh Offee Lalhmingchhuanpuii te an ni. Nikum khan Mizoram hmeichhe team chu India sub junior inelnaah pakhatna an ni a, champion-na kawnga player pawimawhte hi ram aiawh tura koh an ni.

India aiawh tur hian player 20 thlanchhuah an ni a, August 25 hian New Delhi an chhuahsan ang. Inelna hi August 28 - September 5 inkar hian Weifang, China-ah khelh a ni dawn a, Mizoram Football Association chuan an thuchhuah siamah Mizo hmeichhe pathumte hi an lawmpui thu leh an duhsak thu an thai lang.

# Hming Pa Hming Veng/Khuga

1 B. Vanlalhriattiri B. Lalnuntluanga Tlungvel Gate Veng

2 Offee Lalhmingchhuanpuii Zodingliana Ramthar Veng, Aizawl

3 Grace H Lalrampari H. Lalramliana Salem Veng, Aizawl