Brazil tan Cerutti leh Schmidt

World Champion nilai Alison Cerutti leh Bruno Schmidt te ṭangdun chuan Paolo Nicolai leh Daniele Lupo te hnehin Rio Olympic mipa beach volleyball-ah a thlengtu Brazil tan gold medal an hlawh chhuak.

Thlengtu ram an ni bawka Brazil tlangvalin ṭantu an ngah hle a, ruah sur vangin inkhel boruak a sangin a hmuhnawm hle bawk - set pahnihah a tir lamah a hnufual zawkah ṭang ve ve bawk mah se Cerutti leh Schmidt te hian 21-19, 21-17 in hnehna an chang a ni.

Rio Olympic-ah Brazil hian gold panga an lakna chiah a ni a, mipa beach volleyball bikah hian kum 12 hnua an champion lehna hmasa ber a ni nghe nghe.

Bronze medal inchuh-naah Netherlands tlangval pahnih Alexander Brou-wer leh Robert Meeuwsen te chuan Konstantin Semenov leh Viacheslav Krasilnikov te ṭangdun lakah 23-21, 22-20 in hnehna an cheng ve bawk a - Rio Olympic-a Dutch medal hmasa ber a ni nghe nghe.