Fei khawh thui ber Kolak

Croatia nula Sara Ko-lak chuan infiamna khaw-velah a hun tawna a chet ṭhat ber ṭum tawngin 66.18m zeta thui fei khawhin Rio Olympic hmeichhe fei khawh (javelin) champion a ni.

Kum 21-a upa Kolak hi 2014 khan a dar na zai a ni a, thla 15 zet a chawlh hnuah lo kir lehin khawvel hmaah a dam ṭha tawh tih a pholang leh ta a ni.

South Africa aiawhtu Su-nette Viljoen chuan 64.92m a thui khawhin silver medal a la a, 2012 London Olympic champion Barbora Spotakova chu pakhatna ni leh tura beisei ni mah se Czech Republic nula hian 64.80m a thui chauh a khawh avangin bronze medal bak a hlawh-chhuak zo lo.