400m hurdles pakhatna Muhammad

United States nula Dalilah Muhammad chuan ruah sur hnuai-ah Rio Olympic 400m hurdles chu second 53.13 chhunga thleng-in pakhatna a ni - US hmeichhe zingah he inalnaa gold la thei hmasa ber a ni.

Denmark aiawhtu Sara Slott Petersen chu (53.55) pahnihna niin American Ashley Spencer chuan a chetṭhat ber ṭum tawngin second 53.72 chhungin a thleng hman bawk a, pathumna a ni.

Nimin tlai thleng khan US chuan gold 35 bakah silver 33 leh bronze medal 32 la tawhin a pumpuiah medal 100 an la tling tawh a, table-ah hmahruaitu niin gold 22 la tawh Great Britain chu pahnihna an ni - ram 82 zetin medal an la ve tawh bawk.