Thla li chhung chawl tur Andre Ayew

Premier League season an ṭan chauh a, West Ham-in chanchin lawmawm lo hriat tur an nei nghal - an player manto ber ni tura Swansea City hnen aṭanga pound maktaduai 20.5-a an lei Andre Ayew chu malpui hliam vangin kar li tal a chawlh a ngai dawn.

Kum 26-a upa Ghanaian for-ward hian Premier League-a Chel-sea an hmachhawn ṭumin Hammers tan a match hmasa ber a khel a, mah se minute 35 hnuah a hliam vang hian lakchhuah a ngai a ni.

West Ham co-chairman David Gold chuan an player chawlh hun chhung tur hi twitter kal tlanga pho-langin, "Ayew chu a malpui hliam vangin zai a ngai dawn a, kan tan chuan chanchin lawmawm lo tak a ni. Ayew hi thla li tal a chawlh a ngai dawn a, a dam thuai theihna turin ka duhsakna ka hlan e," tiin a ziak.