Watford-ah Kaboul

Premier League club Sunderland leh Watford te chu Younes Kaboul chungchangah an inrem, club pahnihte defender mana an indawrna zat erawh tarlan a ni lo thung.

Kum 30-a upa Ka-boul hian 2015 khan Tottenham aṭangin Black Cats hi a zawm a, season hmasa khan league match 23-ah inlan mah se manager David Moyes hnenah mimal thil vangin club chhuahsan a duh thu a sawi a - club chuan Wat-ford nen an inbiak an phalsak.

France tana match nga khel ve tawh Kaboul chuan, "Ka tan thil awlsam tak a ni lo, fan-ten min
ṭan em em reng a, anni chhuahsan hi ka hreh. Mahse, kan duh leh beisei angin thil a kal vek thei lo fo - club leh manager ten ka mimal harsatna min hraitthiam sak avang hian ka lawm hle," a ti.

Everton manager hlui Moyes hian tlar hnung ti chak turin Papy Djilobodji, Paddy McNair leh Donald Love te a lalut tawh a, Lamine Kone pawh contract thar an zawrh hnai nia sawi a ni bawk.