BVT lakah Tuidam an dam zo lo Bungkawn hneh turin Aizawl FC-in foreigner an mamawh
MFA Super Cup 2016-ah Aizawl khaw pawn club awm--chhun Tuidam FC chu Bethlehem Vengthlang FC lakah 6-1 in an thamral. Aizawl FC-in Ghanaian forward Bright Middleton Mends tel loin third division club Bungkawn FC lakah goal an khung thei lo a, hun tawpah erawh 3-0 in an chak.
I Day Football champion Aizawl FC hian August 23, Thawhlehni khian quarterfinal-ah Bethlehem Vengthlang FC an hmachhawn ang.
BVT an tho
Bethlehem Vengthlang FC-in I Day Football-ah hneh an nei lo a, MFA Super Cup-ah erawh minute rukna lekah Lalmawizuala (Ashtea) goal mawi tak hmangin Tuidam FC lakah hma an hruai a, an hawi kir tawh lo.
BVT forward PC Zosanga'n first half-ah goal khat dang a khung belh a, second half-ah Ashtea goal mawi bawka bul
ṭanin Lalrinsanga leh Laldin-puia ten goal khat ve ve khungin a tawp khartu chu goal hnihna khungtu PC Zosanga bawk a ni.
Tuidam FC-in goal li an chhuah hnuah Zomuansanga hmangin an pet lut a, an goal khung hi goal satliah a ni lo - box pawn aṭangin keeper Lalmuansanga ban phak lohin a pet kual lut nalh hle. Aizawl khaw pawn club awmchhun hian BVT khelhṭhat ṭum an tawng a, goal chhuah tam mah se khelmualah erawh theihna an nei tih a lang.
BVT coach Lalbiak-sanga Colney chuan, "Goal ruk khung mah ila tihsual kan la ngah a, kan goal nawr danah dik tawk lo a la awm. Fitness-ah nasa takin hma kan sawn tih a lang a, hmalam pana pen zel kan tum ang," tiin a sawi.
Tuidam coach ST Zama chuan, "MPL club hneh tumin inpuahchah mah ila kan la inthlau tih kan hriatin chak lo mah ila kan hnual lo. Tun hi kan bul ṭanna chauh a ni," tiin Vanglaini palai a hrilh.
Ṭantu nei ṭha ṭhin BVT-in
ṭan tlak team an neih tawh laiin supporter an nei ṭha tawk lo a, Tuidam FC erawh Aizawl khaw pawn club an ni chungin
ṭantu an nei ṭha hle.
Bungkawn ṭantu an fakawm
Aizawl DFA hnuaia third division club Bungkawn FC-in minute 45 chhung Aizawl FC an chelh a, MPL club-in H. Lalbiakthanga leh William Lalnunfela te hmangin crossbar leh goal ban tih per mah se I Day Football champion zo hlim hian goal khung an phu bik lo.
Bungkawn ṭantuten an club theih tawk hriain auh na tur an hmu thei a, minute 45 chhunga goal an chhuah loh vang hian first half tawp rualin chak zawk ang maiin an thawm a ring hle.
Aizawl FC-in an vanduai thei tih hriain second half ṭan-tirhah Bright Middleton Mends an luhtir nghal a, Ghanaian forward hian minute 60-naah goal hmahruai a khung. MPL leh I Day Football cham-pion hian ball chang tamin inkhel thunun mah se a hun tawp ṭepah goal an khung leh chauh. Minute hnih chauh a awm tawhin captain Ro-hming-thanga'n solo goal a khung a, injury time-ah Mends-a'n goal hnihna a khung leh bawk.
Aizawl FC coach K. Mal-sawm-kima chuan, "Kan rin aiin khelh an harsa a ni. A pawimawh ber erawh chak a ni a, kan tumah kan hlawhtling," tiin Bungkawn FC chu an rin aia an khauh thu a sawi.
Bungkawn FC assistant mana-ger Lalruatkima Hau-hnar chuan, "Hetiang renga veng chhung mipui kan thawh-chhuah ṭhat hi kan hre ngai lo a, chak lo mah ila kan hlawhlting a ni. MFA Super Cup hi a awm leh a nih ngai chuan tel leh ngei kan tum ang," tiin football-in an veng a tih pumkhat thu a sawi.
Nimin Inkhel Results
Tuidam FC 1 - 6 Bethlehem VT
TUI : Zomuansanga 63'
BVT : Lalmawizuala 6', 52'; PC Zosanga 41', 85'; Lalrinsanga 58'; Laldinpuia 69'
Aizawl FC 3 - 0 Bungkawn FC
AFC : Bright Middleton Mends 60', 90+1'; Rohmingthanga 88'