Mo Farah a ropui e

British distance run-ner Mo Farah chu Olympic chanchina 5,000m leh 10,000m a ṭum hnih cham-pion thei hmasa ber dawttu a ni ta.

Kum 33-a upa Farah hian Inrinni khan minute 13 leh second 3.30 chunga 5,000m tlang thlengin gold medal a dawng a, Rio-ah tho hian 10,000m-ah pakhatna a lo ni tawh bawk. Heng inelna pahnihah te hian kum 2013 leh 2015-ah khan World Championship-ah gold a lo la tawh bawk.

2012 London Olym-pic-ah khan Farah hian 5,000m leh 10,000m-ah hian gold a lo la tawh bawk a - Britain athlete zingah track and field huang chhung bikah chuan infiammi hlawhtling bera chhal ngam a ni.

Finland tlangval Lasse Viren chuan Munich 1972 leh Montreal 1976 Olympic-ah te khan kawng thui intlansiakah hian gold a lo hui ve ve tawh a, Farah leh Viren te chiah hi hetiang dinhmun luah thei hi an la awm a ni.

Farah chuan, "Tuna ka hlawhtlinna hian London-ah khan ka tihfuh palh vanga pakhatna ni satliah ka nih loh zia a tilang chiang hle awm e. Vawi khat pakhatna nih pawh a harsat laia Olympic gold medal pali ka awrh ve ta mai hi a mak a, a ropuiin a chhuanawm ve hlein ka hria," tiin a sawi.

5,000m intlansiakah hian United States tlang-val Paul Kipkemoi Che-limo (13:03.90) chu pa-hnihna niin Ethiopian Hagos Gebrhiwet (13:-04.35) chuan bronze medal a dawng ve bawk.