Kum 43 mi Hilton a inkhel

Montpellier captain Hilton chuan Thawhlehni zan khan Lyon a hmachhawn a, Pathiannia kum 43 tling hlim defender hi hun tawp dawn minute kua chauh a awm tawh tihah hnawhchhuah a ni.

France rama football inelna sang ber Ligue 1-ah hian June, 1956 khan kha tih laia kum 44 mi Roger Courtois a lo inlan tawh, season 64 zet a liam hnuah kum 43 chunglam miin league match a khelh ve leh chiah a ni.

Colombian player Hilton hian 2002 aṭang khan Europe-ah a football zinkawng a zawh ṭan, European league lian panga zingah chuan Lazio player hlui Marco Ballotta-a'n 2008-a kum 44 mi ni chunga league match a khelh hnua inlan leh thei upa ber a ni bawk.

Hilton inlanna inkhelah hian Montpellier hian Champions League semifinalist Lyon hi 2-1 a hnein league table-ah pangana dinhmun an luah.

Lyon hian hnehna chang se la chuan league hmahruaitu nih theihna kawng a inhawng, mahse chawlhlawk hmain midfielder Houssem Aouar chu hnawhchhuah a ni a, player tlem zawka khel an nih avangin a harsa.