Thomas Rohler a khawh thui ber

Rio Olympics 2016 mipa fei khawh (javelin) inelnaah German tlangval Thomas Rohler chuan 90.30m zeta thui khawhin an ram tan gold medal hlu tak a hlawh chhuak.

1972 Munich Olym-pic-ah khan German hian mipa fei khawhah gold an lo la tawh a, hemi hnuah he inelna bikah tun ṭum hi pakhatna dinhmun an luah lehna hmasa ber a ni.

Kum 27-a upa Julius Yego chuan 88.24m a thui khawhin silver a dawng - Kenya tlangval hi round linaah a inhliam avangin round hnuhnung ber a khawh ve lo. 85.38m a thui khawhtu Trinidad and Tobago tlangval Ke-shorn Walcott chuan bronze medal a dawng bawk.

2012 London Olym-pic-ah khan Walcott hian gold a lo dawng tawh a, katih hunlai khan kum 19 leh ni 131 chauha upa niin Olympic javelin champion ni thei naupang ber a ni.