Turkey tan Akgul a ding chhuak

Rio Olympic neih mek-ah Taha Akgul chuan Turkey tan gold hmasa ber a hlawh chhuak. Akgul hian 125kg free-style final-ah Iran tlangval Komeil Ghasemi chu 3-1 in a hneh.

Kum 25-a upa Akgul hi 2012 London Olympic-ah khan pakuana a ni phak hram a, hemi hnu hian hmasawn zelin 2014 leh 2015 khan World Championship-ah a champion bakah 2015 European Games champion a ni bawk a - tunah Olympic champion a ni ta.

Pathumna inchuhnaah Belarus wrestler Ibrahim Saidau chuan Georgian Geno Petriashvili lakah hnehna changin bronze a dawng bawk.