Hmeichhe basketball champion US

United States chuan Olympic hmeichhe bas-ket-ball-ah anmahni khing zotu an hmu thei lo chhunzawm zel. US team hian Spain lakah 101-72 a hnehna changin Rio Olympic gold medal an la a, infiamna khawmpui lianah hian a zawna ṭum ruk an champion-na chiah a ni.

Kuminah hian US tan Diana Taurasi leh Lindsay Whalen te an thawhhlawk fal hle a, ram tan an match khelh hnuhnung vawi 10 aṭangin ṭum riat zet chu point 17 an score tling. US player zingah Taurasi, captain Sue Bird leh Tamika Catchings te tan tun ṭum hi a zawna Olympic gold medal an vawi li dawnna a ni nghe nghe.

1992 Barcelona-ah khan US hian pathumna inchuhnaah hnehna an lo chang tawh a, hemi hnu hian Olympic-ah chak loh an nei tawh lo - a zawnin match 49 zet an chak tluang tawh a ni.

Spain hian gold la lo mah se an tan result chhia a ni hran lo, an ram hmeichhe team-in Olympic-a medal an lakna hmasa ber a ni a, final-a an hneh loh US hi group match-ah 103-63 in an hneh lo tawh bawk. Pathumna inchuh naah Serbia chuan France lakah 70-63 in hnehna an chang bawk.