US an chungnung

Rio Olympic hmei-chhe 4x400m relay inelna lamah United States chuan minute thum leh second 19.06 chhunga thlengin a vawi ruk nan gold medal an la.

2012 London Olympic bronze medalist Jamaica chuan 3:20.34 chhunga thlengin silver an dawng a, pathumna chu Great Britain an ni. Britain-in medal an lak leh chiah hian London Olympic-a an lak zat 65 an khum ta chiah bawk.

United States tlang-valte chuan Olympic 4x400m relay-ah gold medal a; Arman Hall, Tony McQuay, Gil Roberts leh Lashawn Merritt te inlanin minute hnih leh second 57.30 chhungin hneh-na an chang. Jamaica chuan silver medal la turin minute hnih leh second 58.16 an mamawh thung a, 2012 London gold medalist Bahamas (2:58.49) chu pathumna an ni.

Nimin tlai thleng khan US chuan gold 43 la tawhin table-ah hmahruaitu an ni zel a, gold 27 la tawh Great Britain chu pahnihna niin silver leh bronze medal pakhat ve ve la tawh India chu 66-na a la ni. Ram 207 inlan aṭangin ram hrang hrang 87-in medal an la tawh - tukin khan Maracana Stadium-ah a kharna hun hman a ni.