Match 22 chak zawn thei Murray

Andy Murray chuan Milos Raonic hnehin Cincinnati Masters final a lut - Britain fachuam hi tun hnaiah a zawnin match 22 chhung zet hneh loh nei loin a kaltluang ta!

Kum 29-a upa Murray hian Wimbledon final-a a lo hneh tawh Candian tlangval Rionic hi darkar khat leh a chanve tling lo deuhah 6-3, 6-3 in a hneh.

Kuminah world number 2 hian match 50 hnehna a chan tlinna a ni ta chiah a, heng hnehna a channaah hian Rio Olympic singles-a gold a lakna pawh a tel. June thla a khelh French Open final-a world number 1 Novak Djokovic a hneh loh bak kha chu Murray hian tlawm a nei tawh lo. Semifinal lehlamah Marin Cilic chuan Grigor Dimitrov lakah 4-6, 6-3, 7-5 in hnehna a chang ve bawk.

Hmeichhe inelna lamah An-gelique Kerber chuan Simon-a Halep lakah 6-3, 6-4 in hnehna a chang a, inkhel dangah world number 17 Karolina Pliskova chuan seeded palina Garbine Muguruza chu 6-1, 6-3 in a bara-khaih ve bawk. Nizan khan mipa leh hmeichhe final hi khelh niin result kan hre hman lo thung.