Hnahthial Summer Camp khar

August 20, Inrinni khan Football Players Association of India (FPAI) sponsor-a Jeje Lalpekhlua leh Hnathial Zone FA ten kum 15 hnuai lam tana football summer camp an buatsaih chu khar a ni. Summer Camp-ah hian naupang 50 training pek a ni a, FPAI lam hian ball leh ṭul angte rawn tumin training hi Jeje bakah tualchhung football coach-te'n an pe. A kharna hunah hian India striker hi a awm remchan loh avangin Jeje-a pa F. Lalliankima hoin kharna hun hman a ni.