City keeper thar Bravo?

Barcelona chuan keeper Claudio Bravo chungchangah Manchester City nen inremna an neih thu an puang.

Catalan club technical secretary Robert Fernandez chuan, "Tun karah engkim a chiang ang. Claudio chhuah hunah keeper thar kan lakluh a
ṭul ang," tiin Chile internatio-nal keeper-in England a pan tur thu a sawi chiang.

Kum 33-a upa Bravo hian City a zawm a nih chuan Pep Guardiola hnuaia third choice ni mai tur England no. 1 keeper Joe Hart chu chhuak ngei tura rin a ni. Guardiola hian Hart hi chhuah a duh phawt chuan a dal loh tur thu a sawi a, amaherawhchu English keeper hian amah duhtu Sevilla leh Borussia Dortmund pan erawh a duh lo niin BCC chuan a tarlang.

Premier League club Everton-in England tana vawi 63 inlan tawh keeper Hart hi an duh a, Toffees lam hi a awn mai a rinawm. Barcelona erawhin Bravo thlak nan hian Ajax goalkeeper Jasper Cillessen an lakluh rin a ni. Bravo hian an ram Chile tan match 106 khel tawhin ram tana inlan hnem ber record kawltu a ni a, kum 2014 khan Real Sociedad aṭangin Barcelona hi a zawm.