Hammers-in point hlawh chhuak

West Ham chuan Aston Villa lakah point khat an hlawh chhuak a, coach thar Graham Potter hoin kawng dik an zawh chhunzawm zel - table-ah 14-na niin, relegation zone an hlat zel.

Villa hian minute riatna lekah Jacob Ramsey hmangin goal hmahruai an khung a, Hammers-in a chhanletna tur an nei lawk lo. Mahse, minute 70-naah Emerson a inlar a, Edson Alverez-a cross chu goal-ah a chantir.

Hammers vanneih zan ni se, chak thei dinhmunah an ding hial. Mahse, player chhuanvawr Lucas Paqueta chuan uiawm takin a chance neih vawi hnih a chhawr thei lo a, a goal khung pawmsak a ni lo bawk.

Villa defender Ezri Konsa chuan goal line aṭangin Carlos Soler-a shot aṭanga ball kal chu goal line aṭangin a lo clear a, bench aṭanga luhtir Danny Ings chuan uiawm takin a hlah bawk - Hammers an vanduai.

Chelsea boss hlui Potter-a'n January 9 aṭang khan West Ham a enkawl ṭan a, a match hmasa berah FA Cup third round hmachhawn nghalin, Aston Villa lakah 2-1 in an tlawm.

League lamah erawh Potter hoin an result a zia chho a, league match thum aṭangin point li an hmu - Julen Lopetegui thlaktu coach chungah fan-ten beiseina an neih san chhunzawm.