Dortmund-a cham tur Gundogan

April thlaa a khelh mekna Borussia Dortmund chhuahsan tur anga insawi German midfielder Ilkay Gundogan-a'n a rilru a thlak a, Signal Iduna Park-ah cham chhunzawm zel a tum.

Kum 24-a upa German mid­fielder hi Manchester United leh Bayern Munich te'n an rim nia sawi a ni a, mahse Dortmund chhuahsan a tum loh thu a sawi takah chuan club pahnih tan rim chhunzawm a phurawm lo mai thei.

Season hmasa a Dortmund tan Bundesliga match 23 chauh kheltu Gundogan-a agent leh a putea ni bawk Ilhan Gundogan chuan, "Gundogan hi Dortmund-a cham zel turin a inbuatsaih leh mek tawh a, a tan chuan nuam a lo tih tawhna leh a lo chet tlat tawh ṭhinna hmuna hmana a chet ṭhat anga che ṭha leh tura beih hi a awlsam ber zawk a ni,"a ti.

Hetihlai hian Dortmund CEO Hans-Joachim Watzke chuan Signal Iduna Park-a kum khat cham tura contract la nei mek Gundogan chu contract thar ziak tura an dawr mek thu a sawi bawk.