Brian Laudrup-a cancer a dam

Bayern Munich leh Rangers midfielder hlui Brian Laudrup chu kum 10 liam taa thisen cancer natna avanga a bawh khup reng hnuin a dam tawh tih puan a ni a, kum 51 mi footballer ṭhin hian cancer natna a nei 

tawh lo. 

Euro 1992-a mak taka Denmark an champion ṭuma player zinga mi Laudrup chuan, "Copenhagen khawpuia Rigshospitalet-a medical staff-te chungah lawmthu ka sawi tak meuh meuh a ni," tiin cancer a neih tawh loh thu hi a puang. 

Danish player ropui Michael Laudrup-a nau Brian hian player a nih laiin Danish Player of the Year chawimawina vawi li zet a dawng a, AC Milan tan Serie A leh Champions League nomawi a chawisak. 

Bayern leh Chelsea-ah erawh nomawi lian tham sawi tur a nei lo a, mimal anga hming a chherna ber chu Rangers niin league nomawi pathum bakah Scottish Cup leh Scottish League Cup-ah a champion pui.