Juventus-ah a nghetin Pererya

Italian champion Juventus an inla ṭha zel a, season hman zawh taka an hnena loan-a khel Roberto Pereyra chu an club a khel turin a nghetin an la lut.

Kum 24-a upa Argentina international hian June 30, 2019 thleng cham turin Turin club-ah hian contract a ziak a, a manah Juventus hian euro maktaduai 14 sengin a khelh ṭhat dan a zirin euro maktaduai 1.5 an insen belh dawn a ni.

Udinese midfielder hlui hian season hman zawh takah khan Juventus tan match 52 zet a inlan a, Serie A title leh Coppa Italia nomawi an chawina kawngah player thawhhlawk ber te zinga mi a ni.