Ivory Coast leh Cameroon awmdun

Africa Cup of Nations (Afcon) champion lai Ivory Coast chuan group match-ah Cameroon an hmachhawn dawn; group F-ah Gabon leh Mozambique te nen an awmkhawm dawn a ni.

Africa rama infiamna khawmpui lian ber hi kumin December 21 aṭanga nakkum January 18 thleng an khel dawn, match hmasa berah inelna thlengtu Morocco leh Comoros te an inkhel ang.

Group C-ah inelna hmasa zawka finalist Nigeria chu Tunisia, Uganda leh Tanzania te nen an awmkhawm a, nomawi chawi thei tura beisei zinga mi an ni leh dawn a, a tir aṭanga chetṭhat nghal a pawimawh a rinawm.

Inelnaah hian team 24 an inlan dawn a, group parukah ṭhenhran niin an inkhelh kual vek hnuah a sang ber leh pahnihna te chuan knockout stage an lut nghal dawn, pathumna zinga point hmu sang pali te an tlang bawk ang.