Jackson-a'n Atletico a zawm dawn - Agent

FC Porto striker Jack­son Martinez agent Luiz Henrique Pompeo chuan Colombia striker leh Atletico Madrid chu kum li atan euro maktaduai 35-a an inrem thu Thawh­lehni khan a sawi.

Pompeo chuan, "Vawi­in khan tihchian a ni. A tawp thlenga ngaih­ventu Milan chungah lawmthu kan sawi a, amaherawchu club pahnih tana a khelh theih loh avangin Atletico hi a thlan a ngai ta a ni," tiin a sawi.

Jackson agent chuan sawi chhunzawmin, "Atletico hi club lian tak an ni a, European competition leh league-ah record ṭha tak an nei. Jackson hian record ṭha zawk nei turin Spain hi a pan dawn a, amah pawh a phur tawh hle," a ti.

Atletico hian Villar­real aṭangin Luciano Vietto an la lut tawh a, Martinez hi a lut a nih chuan striker pahnih an lak luhna chiah a ni ang.

Kum 28-a upa Porto striker hian season liamta khan goal 21 a khung a, Copa America khelh mekah Colombia player pawimawh a ni.